Fatimah — ayollar sogʻlomlashtirish markazi uchun logotip
Nafis auditoriya uchun nafis logotip. Fatimah — ayollar uchun keng qamrovli sogʻlomlashtirish markazi. Markazda ayollar ham jismonan, ham ruhan hordiq chiqarishlari, salomatliklarini tiklashlari va oʻzlariga boʻlgan ishonchni oshirishlari mumkin.
Vazifa:
Mijoz oldimizga qoʻygan vazifaga koʻra, logotip: — sharqona obrazda ayollarga xos boʻlgan nozik jihatlarni oʻz ichiga olishi; — bir koʻrishda sodda, tushunarli oʻqilishi; — va mahsulotni ifodalashi kerak edi.
Yechim:
Biz shu talablarga koʻra markaz uchun original logotip tayyorlab berdik. Logotip markaz yoʻnalishiga mos ravishda nafis va sharqona uslubda ishlandi: uning birinchi F harfi ayollik hayosi, nafosatini aks ettiruvchi ayol tasviri bilan ifodalandi. Bu logotipda sokin, xotirjam va sogʻlom ayol qiyofasini ham koʻrishimiz mumkin. Sharqonalik, milliylik va anʼanalarga urgʻu qaratish maqsadida logotipga oʻrangan ayol obrazini tushirish gʻoyasi ham bor edi bizda. Ammo markaz auditoriyasi qamrovini cheklab qoʻymaslik uchun ayol obrazini abstrakt usulda ishladik. Tipografikada yumshoq, keskin burchaklari boʻlmagan shriftga urgʻu qaratdik. Rang tanlashda esa nafis, binafsharang rayhondan ilhomlandik, qoʻshimcha ravishda mayin pastel ranglaridan foydalandik. Sizga ham shunday betakror logotip kerak boʻlsa, bizga murojaat qiling.
Keyingi loyihalar
BOLAJON CITY MALL УЧUN LOGOTIP
Bolajon city mall — taniqli bloger Jahongir Xo‘jayev (Sariq bola) tomonidan asos solingan yirik oilaviy savdo majmuasi. Bu g‘oya real hayotiy og‘riqlardan kelib chiqqan: onalar bolalar bilan ovora bo‘lib, ko‘pincha o‘ziga vaqt ajratolmaydi, shoping va fitnes qolib ketadi. Shu muammoni hal qilish uchun O‘zbekistonda hali o‘xshashi yo‘q, hamma narsani — qozon, kiyim-kechak, posteldan tortib, bolalar sartaroshxonasi va fitnes zaligacha bir joyda jamlaydigan majmua o‘ylab topildi. Asosiysi, bu yerda yo‘q narsaning o‘zi yo‘q bo‘ladi.
XYZ BURGER — BURGER BRENDI UCHUN LOGOTIP
XYZ Burger — turli avlodlarni ta’m va atmosfera orqali birlashtiruvchi burger brendi uchun logotip va vizual konsepsiya ishlab chiqish. Dizayn burgerni ushlab turgan qo‘llar, XYZ BURGER yozuvi va eriyotgan pishloq effektidagi Z harfiga asoslangan.