HerboLabz — BFQ ishlab chiqaruvchisi uchun logotip
Biologik faol qoʻshimchalar ishlab chiqaruvchi korxona uchun logotip yaratdik. Logotip kompaniya faoliyatini ochib berishi muhim edi: tabiiy xomashyo va laboratoriya ishi.
Vazifa:
Biologik faol qoʻshimchalar (BFQ) asosan dorivor giyohlar va tabiiy mahsulotlardan tayyorlanadi. Bu kompaniya nomida ham aks etgan: lotin tilidagi herba soʻzi “oʻsimlik”, “oʻt-oʻlan”, “giyoh” degan maʼnoni anglatadi, Labz esa laboratoriyaga ishora qiladi. Oldimizdagi vazifa — brendning ikki asosini bitta belgida birlashtirish edi: tabiat va ilmiy yondashuv. Xaridor shunchaki “yashil” logotipni emas, balki mahsulotini laboratoriyada tekshiradigan ishlab chiqaruvchini koʻrishi kerak.
Yechim:
Shu nuqtai nazardan biz logotipda tabiatni ifodalovchi barglardan foydalandik. Barglarni kolba — kimyoviy stakan tasviri bilan boyitdik. Bu kompaniyaning laboratoriya tadqiqotlari asosida faoliyat yuritishiga ishora qiladi. Natijada barg va stakanlar uygʻunlikda yaxlit bir H harfini hosil qilmoqda. Belgi oq va yashil fonda, gorizontal va vertikal koʻrinishda yaxshi oʻqiladi. Uni C vitamini bankasi, blank, vizitka va konvert, krujka, sumka hamda laboratoriya xalatining choʻntagida koʻrsatdik. HerboLabz kompaniya faoliyatini ortiqcha soʻzlarsiz ochib beradigan belgiga ega boʻldi. Logotipga baho bering, fikrlaringizni kutib qolamiz!
Keyingi loyihalar
Vodiy organics — tovuq tuxumlari uchun logotip va qadoq
Buyurtmachi — tuxum savdosi bilan shugʻullanuvchi Vodiy organics korxonasi. Unga bir qarashda ichida nima borligi tushunarli boʻladigan logotip va qadoq kerak edi.
Mega Food — oziq-ovqat yetkazib beruvchi kompaniya uchun logotip
Maktablar, bogʻchalar va boshqa muassasalar har kuni yangi mahsulot kutadi — Mega Food esa ularni oʻz vaqtida yetkazib beradi. Ushbu kompaniya uchun biz faoliyatini bir ogʻiz soʻzsiz tushuntirib beradigan logotip yaratdik.