Mega Food — oziq-ovqat yetkazib beruvchi kompaniya uchun logotip
Maktablar, bogʻchalar va boshqa muassasalar har kuni yangi mahsulot kutadi — Mega Food esa ularni oʻz vaqtida yetkazib beradi. Ushbu kompaniya uchun biz faoliyatini bir ogʻiz soʻzsiz tushuntirib beradigan logotip yaratdik.
Vazifa:
Mega Food maktab, bolalar bogʻchasi kabi turli idora va tashkilotlarni oziq-ovqat mahsulotlari bilan taʼminlaydi. Kompaniyaga faoliyatini birinchi qarashdayoq tushuntiradigan va esda qoladigan belgi kerak edi — furgonda ham, qutida ham, xodimlar formasida ham. Biz uchun asosiysi — shunchaki chiroyli rasm emas, balki maktab direktoriga ham, yoʻldagi haydovchiga ham birdek tushunarli logotip yaratish edi.
Yechim:
Logotipni sodda va tushunarli uslubda ishladik: unda turfa xil oziq-ovqat mahsulotlari 2D shaklda aks ettirildi. Bunday logotip korxona faoliyati haqida aniq tasavvur uygʻotadi va esda qolish ehtimolini oshiradi. Undan hatto pattern sifatida ham foydalanish mumkin: mahsulotlar furgon va fura bortlari, qutilar, sumkalar va qadoqlar boʻylab “sochilib” ketadi. Logotipni yaxshiroq namoyish qilish uchun uning turli joylardagi koʻrinishlarini koʻrsatib oʻtdik: xodimlar formasi, sumka, yuk mashinalari, furgonlar, qadoq, bochka va poddondagi qutilar. Toʻq koʻk fon mahsulotlarni yanada yorqin qiladi — hatto mashinalar oqimida ham brend bir zumda koʻzga tashlanadi.
Keyingi loyihalar
Sirius — tibbiyot markazi uchun logotip
Sirius — biz koʻradigan yulduzlar ichida eng yorqini. U qadimdan koʻplab xalqlar uchun ezgulik timsoli boʻlib kelgan. Shifo izlab kelgan insonlar uchun esa Sirius tibbiyot markazi najot ramzi boʻlib xizmat qiladi.
Fatimah — ayollar sogʻlomlashtirish markazi uchun logotip
Nafis auditoriya uchun nafis logotip. Fatimah — ayollar uchun keng qamrovli sogʻlomlashtirish markazi. Markazda ayollar ham jismonan, ham ruhan hordiq chiqarishlari, salomatliklarini tiklashlari va oʻzlariga boʻlgan ishonchni oshirishlari mumkin.